Digital Tradition Mirror

Duncan Davison

[GIF Score]

(This score available as ABC, SongWright, PostScript, PNG, or PMW, or a MIDI file)
Pennywhistle notation and Dulcimer tab for this song is also available

Duncan Davison
(Robert Burns)

There was a lass, they ca'd her Meg,
   And she held o'er the moors to spin;
There was a lad that follow'd her,
  They ca'd him Duncan Davison.
The moon was dreigh, and Meg was skeigh,
  Her favour Duncan could na win;
For wi  the rock she wad him knock,
   And ay she shook the temper-pin.
Ai o'er the moor they lightly foor,
   A burn was clear, a glen was green;
Upon the banks they eas'd their shanks,
  And ay she set the wheel between:
But Duncan swoor a haly aith,
   That Meg should be a bride the morn;
Then Meg took up her spinnin-graith,
   And  flang them a'out o'er the burn.
We will big a wee, wee house,
  And we will live like king and queen,
Sae blythe and merry's we will be,
   When ye set by the wheel at e'en!
A man may drink, and no be drunk;
  A man may fight, and no be slain;
A man may kiss a bonie lass,
  And ay be welcome back again!

Tune: Duncan Davison (30)

Thanks to Mudcat for the Digital Tradition!

Contents: ? A B C D E F G H I J K L M N O P Q R S T U V W X Y Z Main Page