(This score available as
a MIDI file)
Pennywhistle notation and Dulcimer tab for this song is also available
When Fortune Turns Her Wheel (2) Come fill a glass let's drink about This night we'll merry be, For harmony and freenship free Likewise my comrades three, To meet ye a'a ance mair ma freens A sacred joy I feel, Tho far awa I noo maun stay Till fortune turns her wheel. The changes of a conrade state Ne'er make true freenship less, For a true Caledonian's heart Feels warmer for distress; For I hae met some trusty freens And tae me they're aye been leal, Though far awa' I noo maun stray Till Fortune turns her wheel. 'Tis not vain clothes nor gold he says That's the estimate o' man, For when we meet a freen in straights We shake a freenly hand; Wi' them I'll sit wi' them we drink And tae them our mind reveal, And freens we'll be whatever way Blind fortune turns her wheel. But, oh I loved a bonnie lass And her I'll justly blame, For when hard fortune on me frowned She denied she kent my name; But falsehood by remorse are paid And tae her I'll never kneel, I'll sweethearts fine, baith fair and kind, When fortune turns her wheel. It's mony the time my hearts been sair And like tae brak in twa, Mony's the time my feets been cauld Comin' in frae the frost and snaw; Wi' nae yin tae pity me Nor yet to wish me weel, But maybe I'll repay them back When fortune turns her wheel. Some of my pretended freens If freens I may them caa, Proved false and turned their backs on me When mine was at the waa; But in a glass I'll let it pass I'm sure I wish them weel If my hard fate on them await May fortune turn her wheel. Adieu, ye hills o Caledonia Likewise sweet Avondale, For freenship binds the strongest ties Love tells the softest tale; Adieu, my freens and comrades here I ken ye wish me weel And maybe yet, can pay my dept When Fortune turns her wheel. From Willie Scott's book Herd Laddie O The Glan SOF oct00
Thanks to Mudcat for the Digital Tradition!