Digital Tradition Mirror

Frae the Friends and Land I Love

Frae the Friends and Land I Love
(Robert Burns)

Frae the friends and land I love
   Driv'n by Fortune's felly spite,
Frae my best belov'd I rove,
   Never mair to taste delight
Never mair maun hope to find
   Ease frae toil, relief frae care.
When remembrance wracks the mind,
   Pleasures but unveil despair.

Brightest climes shall mirk appear,
   Desert ilka blooming shore,
Till the Fates, nae mair severe,
   friends, love, and peace restore;
Till Revenge, wi' laurell'd head,
   Bring our banish'd hame again,
And ilk loyal, bonie lad
   Cross the seas, and win his ain!

Tune: Carron Side (341)

Thanks to Mudcat for the Digital Tradition!

Contents: ? A B C D E F G H I J K L M N O P Q R S T U V W X Y Z Main Page