(This score available as
a MIDI file)
Pennywhistle notation and Dulcimer tab for this song is also available
Bonnie Jeannie o' Bethelnie There was four and twenty nobles stood at the king's ha' And bonnie Glenlogie was the flooer o' them a' There was six and six nobles rade thro' Banchory fair And bonnie Glenlogie was the flooer o' them there There was nine and nine ladies sat in the king's ha' Bonnie Jean o' Bethelnie was the flooer o' them a' Doon cam Jeannie Gordon she cam tripping doonstairs And she's favoured Glenlogie o' a' that was there Glenlogie, Glenlogie gin ye will prove kind My love's laid on you and I've told ye my mind He turned him roond lightly as the Gordons does a' I thank ye, Jeannie Gordon but I'm promised awa' She ca'ed tae her maidens for tae make her a bed Wi' ribbons and napkins tae tie up her head Then oot spak' her faither and a wae man was he I'll wad ye tae Dumfendrum he's mair gowd than he O haud your tongue faither for that maunna be Gin I get nae Glenlogie for him will I dee Then her faither's ain chaplain a man o' great skill He wrote a braid letter and indited it weel A pox of ye Logie noo sin' it is so A lady's love is on ye must she die in her woe? A pox on ye Logie noo sin' it is time A lady's love laid on ye, must she die in her prime? When Glenlogie got the letter he being amang men It's oot spak' Glenlogie what does young women mean? When he looked on the letter a light lauch gied he But e'er he read ower a tear blint his e'e. Gae saddle me the blach horse and gae saddle me the broon Bonnie Jeannie o' Bethelnie will be dead e'er I win But the horses wisnae saddled nor led on the green Till bonnie Glenlogie was three mile his lane Pale and wan was she when Glenlogie cam in But red and rosy grew she when she kent it was him Whaur lies your pain lady does it lie in your head Whaur lies your pain lady does in lie in Your side? Oh, na, na Glenlogie you're far frae the pairt The pain I lie under it lies in my heart Turn roond Jeannie Gordon turn on your side And I'll be the bridegroom and ye'll be the bride Noo, Jeannie's gotten mairried and her tocher doon told Bonnie Jean o' Bethelnie was scarce sixteen years auld Bethelnie, Bethelnie ye shine whaur ye stand And the heather bells aroon ye shine ower Fyvie's land Child #238 recorded by Dick Gaughan SOF
Thanks to Mudcat for the Digital Tradition!