Gypsy Laddies Three gypsies came tae our ha' door an' o but they sang bonnie They sang sae sweet and sae complete that they stole the heart o a lady Well she's come tripping doun the stair an a her maids gaed 'fore her And the very first thing that she's gaed tae them was the gold ring off her finger She's gaed tae them a fine bottle o the wine, the nutmeg an the ginger But the very best thing that she gaed tae them wis the gold ring off her finger It's you'll take off your silken goon, pit on your tartan plaidie An ye'll come awa this lea lang nicht for to follow wi the gypsy laddies Late that night her lord came home enquiring for his lady The very last sicht that we had o her she was following the gypsy laddies Gie saddle tae me my black, my black, gie saddle tae me my pony And I'll ride oer yon high, high hills in search o my dear lady He's rade eastand he's rade west and he's rade tae Strathbogie An there he's spied an auld beggar man and he's speired him for his lady I've come east an I've come west an I've come frae Stathbogie An the bonniest lady that eer I saw she was following the gypsy laddies If this be the truth that ye tell tae me half o my lands I'll gi ye But if it be a lie that ye tell tae me frae mycastle gates I'll hang ye He's rade onand further on til he's came tae Strathbogie An there he spied his ain dear wife lyin doon wi the gypsy laddies Wid ye forsake yer houses an yer land, wid ye forsake yer baby Wid ye forsake yer ain wedded lord tae gae follow wi the gypsy laddies Yes I'd forsake my houses and my land, I'd even forsake my baby I'd forsake my ain wedded lord tae gae wi the gypsy laddies Last nicht I lay in a fine featherbed, my ain wedded lord lang beside me This nicht I will lie in a cold barn shed wi the gypsies lyin a aroon me For they are seven brothers o' us a', an' a' o' them sae bonnie They were hanged every man according tae the law for the stealin o a gay lord's lady sung by Cila Fisher and Artie Treizise Child #200 See also files starting with GYP SOF
Thanks to Mudcat for the Digital Tradition!