(This score available as
a MIDI file)
Pennywhistle notation and Dulcimer tab for this song is also available
Haud Awa' Will ye gang wi' a Hielan' man That lives amongst the hills lassie He'll row ye in a tartan plaid And shield ye frae a' ills lassie What think ye o' the Hielan clan They're sturdy, short and strong lassie, They'll wade the winter's depth o' snaw And never venture in lassie. Oh haud awa, bide awa Oh haud awa frae me laddie, Gang tae the knowes and herd yer ewes And tell nae tales tae me laddie. What think ye o' the Hielan' dress The kilt above the knee lassie, A bonnet blue and broad claymore Gars a' yer French dogs flee lassie. Oh haud awa, oh bide awa O haud awa frae me laddie, Your bonnet blue and broad claymore I canna bear to see laddie. What think ye o' the Hielan' cheer The buttermilk and whey lassie, A share o' mutton and o' beef Oh will ye gang wi' me lassie Oh haud awa, oh bide awa Oh haud awa frae me Donald, For a' your Hielan' rareties I canna bear to see laddie. The deil's ma care, I'll prig nae mair Wi' sic a silly tyke lassie, [bitch] I'll tak the road oot owre yon hill Ye can follow gin ye like lassie. Oh haud a wee, oh bide a wee Oh wyte a wee on me laddie, There's nae a man in a' your clan I like sae weel as thee laddie. Oh stop a wee oh wyte a wee Oh wyte awee on me laddie, My silks and satins and goons o' green Mysel' and a' be thine laddie. Wi' heartsome glee I'll wait on thee Since ye have been sae kind lassie, I'll tak ye to my Hielan home And live and die wi' thee lassie. From the Greig-Duncan Folk Song Collection (Shuldham-Shaw et al) Collected from Thomas Spense and J.W. Spence SOF
Thanks to Mudcat for the Digital Tradition!