Digital Tradition Mirror

Jenny Dang the Weaver

(This score available as ABC, SongWright, PostScript, PNG, or PMW, or a MIDI file)
Pennywhistle notation and Dulcimer tab for this song is also available

Jenny Dang the Weaver

At Willie's wedding on the green
The lassies, bonnie witches
Were a' dress'd oot in aprons clean
And braw white Sunday mutches
Auld Maggie bade the lads tak' tent
But Jock would no believe her
But soon the fool his folly kent
For Jenny dang the weaver

Jenny dang, Jenny dang
Jenny dang the weaver
But soon the fool his folly kent
For Jenny dang the weaver

At ilka country dance or reel
Wi' her he would be bobbin'
When she sat doon, he sat doon
And tae her would be gabbin'
Where'er she gaed, baith but 'n' ben
The coof would ne'er leave her
Aye kecklin' like a clockin' hen
But Jenny dang the weaver

Jenny dang, Jenny dang
Jenny dang the weaver
Aye kecklin' like a clockin' hen
But Jenny dang the weaver

Quo' he my lass, tae change my mind
In troth I needna swither
You've bonnie een and if you're kind
I'll never seek anither
He humm'd and haw'd, the lass cried Peugh!
And bade the coof no deave her
Syne snapped her fingers lap and leugh
And dang the silly weaver

Jenny dang, Jenny dang
Jenny dang the weaver
Syne snapped her fingers lap and leugh
And dang the silly weaver

notes:
        leugh is prounounced "looch" (ch as in "loch")
        Peugh is pronounced "Pyooch"
        we sung this in "E" CC
CC

Thanks to Mudcat for the Digital Tradition!