Digital Tradition Mirror

John Anderson, My Jo 2

(This score available as ABC, SongWright, PostScript, PNG, or PMW, or a MIDI file)
Pennywhistle notation and Dulcimer tab for this song is also available

John Anderson, My Jo 2
(Robert Burns)

John Anderson my jo, John,
  When we were first acquent;
Your locks were like the raven,
  Your bony brow was brent;
But now your brow is beld, John,
  Your locks are like the snaw;
But blessings on your frosty pow,
  John Anderson my Jo.

John Anderson my jo, John,
 We clamb the hill the gither;
And mony a canty day, John,
  We've had wi'ane anither:
Now we maun totter down, John,
 And hand in hand we'll go;
And sleep the gither at the foot,
 John Anderson my Jo.
John Anderson, my jo, John*
When Nature first began
To try her canny hand, John,
Her master work was man;
And you amang them a', John
Sae trig from top to toe,
She prov'd to be nae journey work
John Anderson, my jo.

spurious stanza, from Gaelic Hotch-Potch. Written by William Reid,
 bookseller in Glasgow ca 1798. He used it as the second verse. MS

Tune:John Anderson my jo (302)
RG

Thanks to Mudcat for the Digital Tradition!