Digital Tradition Mirror

Muirland Meg

(This score available as ABC, SongWright, PostScript, PNG, or PMW, or a MIDI file)
Pennywhistle notation and Dulcimer tab for this song is also available

Muirland Meg
(Robert Burns, in Merry Muses of Caledonia)

Amang our young lassies there's Muirlan' Meg,
She'll beg or she'll work, and she'll play or she'll beg;
At thretteen her maidenhead flew to the gate,
And the door o' her cage stands open yet.
     And for a sheep-cloot she'll do't, she'll do't,
     And for a sheep-cloot, &c.
     And for a toop-horn, she'll do't to morn,
     And merrily turn and do't and do't.

Her kittle black een they wad thirl ye thro',
Her rose-bud lips cry kiss me just now;
The curls and links o' her bonny black hair,
Wad put you in mind, that the lassie has mair.
     And for, &c.

An armfu' o' love is her bosom sae plump;
A span o' delight is her middle sae jimp;
A taper white leg, and a thumpin thie,
And a fiddle near by, can ye play a wee?
     And for, &c.

Love's her delight, and kissing's her treasure,
She'll stick at nae price, an ye gie her good measure;
As lang's a sheep-fit an as girt's a goose egg.
O that's the measure o' Muirlan' Meg.
     And for, &c.

Sung by Oscar Brand and by Ewan MacColl


AJS
oct99

Thanks to Mudcat for the Digital Tradition!