Digital Tradition Mirror

Tullochgorum (2)

(This score available as ABC, SongWright, PostScript, PNG, or PMW, or a MIDI file)
Pennywhistle notation and Dulcimer tab for this song is also available

Tullochgorum (2)

Come gie's a song, Montgomery cried and lay your disputes a' aside
What nonsense is't for folks to chide for what was done before 'em
Let Whig and Tory a' agree, Whig and Tory, Whig and Tory
Whig and Tory a' agree to drop their Whigmigmorum
Let Whig and Tory a' agree to spend this night in mirth and glee
And cheerfu' sing alang wi' me the Reel o' Tullochgorum

O Tullochgorum's my delight, it gars us a ' in ane unite
And ony sumph that keeps up spite, in conscience, I abhor him
Blythe and merry we'll be a', blythe and merry, blythe and merry
Blythe and merry we'll be a', and make a cheerfu' quorum
Blythe and merry we'll be a', as lang as we hae a breath to draw
And dance till we be like to fa', the Reel of Tullochgorum

Let warldly worms their minds oppress, we' fears o' want and double cess
And sullen sots themselves distress wi' keeping up decorum
Shall we sae sour and sulky sit?  Sour and sulky, sour and sulky
Sour and sulky shall we sit, like auld Philosophorum?
Shall we sae sour and sulky sit, with neither sense, nor mirth, nor wit
Nor ever rise to shake a fit to the Reel o' Tullochgorum?

May choicest blessings ay attend each honest open-hearted friend
And calm and quiet be his end, and a' that's gude watch o'er him
May peace and plenty be his lot, peace and plenty, peace and plenty
Peace abd plenty be his lot and dainties a great store o' them
May peace and plenty be his lot, unstain'd by any vicious spot
And may he never want a groat, that's fond o' Tullochgorum

But for the discontented fool, who loves to be oppression's tool
May envy gnaw his rotten soul and discontent devour him!
May dool and sorrow be his chance, dool and sorrow, dool and sorrow
Dool and sorrow be his chance, and honest souls abhor him
May dool and sorrow be his chance and a' the ills that come frae France
Whae'er he be that winna dance the Reel o' Tullochgorum

CB
oct96

Thanks to Mudcat for the Digital Tradition!